अमेरिकामा होलिकोप्टर दुर्घटनामा परी विश्वविख्यात खेलाडी ब्रायन्ट सहित ९ को मृत्यु

Best Khabar Team | २०७६ माघ १३ गते सोमबार

२७ जनवरी, २०२० क्यालिफोर्निया । अमेरिकाको क्यालिफोर्नियामा आज दिउँसो भएको हेलिकोप्टर दुर्घटनामा बास्केटबलका विश्वखेलाडी कोब ब्रायन्टसहित ९ जनाको घटनास्थलमै ज्यान गएको छ । अमेरिकी सञ्चारमाध्यमहरुका अनुसार सो दुर्घटनामा ब्रायन्टकी १३ वर्षकी छोरीसहित अरु ९ जनाको ज्यान गएको हो ।

निजी कामको सिलसिलामा लेजेण्ड, उनकी छोरी र अरु ७ जना सवार हेलिकोप्टर क्यालिफोर्नियाको कालाबास्सास्को आकाशमा दुर्घटनामा परेको हो । उडिरहेको सो हेलिकोप्टरमा एक्कासी आगो लागेको कारण हेलिकोप्टरमा सवार सबैको ज्यान गएको हो ।

घटनालगत्तै अमेरिकी राष्ट्रपति डोनाल्ड ट्रम्पले ट्वीटरमार्फत दुःख व्यक्त गरेका छन् । उनले यो दुर्घटनालाई भयानक घटनाको संज्ञा समेत दिएका छन् ।