भूकम्पमा परी टर्कीमा १८ को मृत्यु, सयौं घाइते

Best Khabar Team | २०७६ माघ ११ गते शनिबार

२५ जनवरी, २०२०
इस्तानबुल । टर्कीको पूर्वी क्षेत्रमा अवस्थित एलाजिग प्रान्तको सिभ्रिसलाई केन्द्र बनाएर आज बिहान गएको भूकम्पमा परी ज्यान गुमाउनेको संख्या १८ पुगेको छ । अन्र्तराष्ट्रिय सञ्चार माध्यमहरुले दिएको जानकारी अनुसार ६ दशमलव ८ रेक्टर स्केलको सो भूकम्पमा परी अरु सयौं घाइते भएका छन् ।

घाइतेहरुको स्थानीय अस्पतालमा उपचार भै रहेको छ । स्थानीय समय अनुसार बिहान करिब ९ बजेको समयमा सो भूकम्प गएको थियो । भूकम्पको धक्का करिब एक मिनेटसम्म मापन गरिएको थियो । भूकम्पछि ५ दर्जनबढी पराकम्पनहरु गै सकेका थिए । भूकम्पलगत्तै सयौंका संख्यामा भवनहरु भत्किएका छन् ।

अहिले राष्ट्रिय सतर्कता केन्द्र टर्कीले स्थानीय वासिन्दाहरुलाई सतर्कता अपनाउन आग्रह गरिरहेको छ । घटना लगत्तै राष्ट्रिय तथा अन्र्तराष्ट्रिय उद्दारकर्मीहरुको टोली घटनास्थलमा पुगेर उद्दार कार्य अघि बढाएका छन् ।