पर्वतारोहण संघमा नयाँ नेतृत्व चयन

Best Khabar Team | २०७४ श्रावण २२ गते आइतबार

०६ अगस्ट, २०१७
काठमाडौं । नेपाल पर्वतारोहण संघमा नयाँ नेतृत्व चयन भएको छ । हिजो भएको चुनावमा सन्तवीर लामा संघको अध्यक्ष पदमा विजयी भएका हुन् । उनले आफ्ना निकटतम प्रतिद्वन्द्वी जिम्मा जाङ्बु शेर्पालाई ६७ मतले पराजित पराजित गर्दै नेतृत्व आफ्नो पोल्टामा पार्न सफल भएका हुन् ।

यसपटक संघको चुनावमा एमाले र माओवादी तथा नेपाली काँग्रेस र नयाँ शक्ति निकट पर्यटन व्यवसायीबीच तालमेल भएको थियो । लामाले एमाले र माओवादी निकट व्यवसायीको गठबन्धनबाट बनेको प्यानलबाट अध्यक्षमा उम्मेद्वारी दिएका थिए । लामाले ३ सय ८३ मत प्राप्त गर्नुभएको थियो भने उनका निकटतम प्रतिद्वन्द्वी शेर्पाले ३ सय १६ मत प्राप्त गरेका छन् ।

यस्तै संघको उपाध्यक्षमा ३ सय ७० मत प्राप्त गर्दै दिवश विक्रम शाह विजयी भएका छन् भने द्धितीय उपाध्यक्षमा लामा समुहकै माया शेर्पा विजयी भएकी छन् । महासचिवमा शेर्पा समूहका कुलबहादुर गुरुङ्ग, कोषाध्यक्षमा सुदर्शन न्यौपाने, सचिवमा टिकाराम गुरुङ्ग विजयी भएका छन् ।

साथै कार्यसमिति सदस्यमा सिंगी लामा, मिङमार शेर्पा, विनय शाक्य, र सञ्जीव गुरुङ, डा. हरिप्रसाद श्रेष्ठ, पासाङ तेण्डी शेर्पा विजयी भएका छन् ।

Comment from facebook