इराकमा रहेको अमेरिकी दुतावास नजिक रकेट प्रहार, सुरक्षित सेल्टर लिन अमेरिकाको आग्रह

Best Khabar Team | २०७६ माघ ७ गते मंगलबार

२१ जनवरी, २०२० बग्दाद । पछिल्लो केही महिना यता जारी इरान र अमेरिकाबीचको ‘शित युद्द’ अहिलेसम्म पनि जारी छ । यही क्रममा इराकस्थित अमेरिकी दूतावासनजिकै आज बिहान ३ वटा रकेट बम प्रहार गरिएको छ । समाचार संस्था बिविसीका अनुसार राजधानी बग्दादमा रहेको अमेरिकी दूतावासलाई लक्षित गरी भएको सो आक्रमणबाट खासै ठूलो क्षति भएको छैन ।

घटनालगत्तै अमेरिकाले आफ्ना दुतावासका कर्मचारीहरुलाई सुरक्षा अपनाउन तथा सुरक्षित स्थान खोज्न आग्रह गरेको छ । केही समयअघि इरानी सैन्य कमान्डर कासिम सुलमानी मारिएपछि इरान र अमेरिकाबीचको युद्द मत्थर भएको छैन ।

केही साता अघि पनि बग्दादस्थित अमेरिकी दुतावास आडि विस्फोट र आगजनीका घटना भएका थिए । घटनापछि दुबै पक्ष आक्रामक भएका छन् । सुलेमानी मारिएको घटनाको अन्र्तराष्ट्रियस्तरमा विरोध भएको छ ।