नाट्टाको अध्यक्षमा गुरागाईँले बाजी मारे

Best Khabar Team | २०२६ पुष १७ गते बिहिबार

१७ जनवरी, २०२०
काठमाडौं । देशभरका ट्राभल तथा टुर व्यवसायीहरुको छाता संगठन नेपाल एसोसिएसन अफ टुर एण्ड ट्राभल एजेण्ट्स (नाट्टा) को अध्यक्षमा अच्यूत गुरागाई विजयी भएका छन् । २ प्रतिस्पर्धीलाई पराजित गर्दै गुरागाईले नाट्टाको नेतृत्वमा बाजी मारेका हुन् ।

नेकपाको समर्थनमा भिम पन्त र स्वतन्त्र उम्मेद्वारको रुपमा मिहिका शाह धाख्वा चुनावी मैदानमा उत्रिएकी थिइन् । आज भएको चुनावमा शाह र पन्तलाई पराजित गर्दै काँग्रेस निकट गुरागाईँले नाट्टाको अध्यक्षमा बाजी मारेका हुन् । केहीबेरअघि सकिएको मतगणना अनुसार पन्तलाई २४ मतले पराजित गर्दै गुरागाई अध्यक्षमा विजयी भएका हुन् ।

यसको औपचारिक घोषणा केहीबेरमा हुँदैछ । यस्तै, वरिष्ठ उपाध्यक्षमा विनय बस्नेत, महासचिवमा सुुुुुधिर कुमार उपाध्याय, सचिवमा जिस्वा तुलाधर श्रेष्ठ, कोषाध्यक्षमा कुमार मणि थपलिया र सहकोषाध्यक्षमा फुडोमा शेर्पा निर्वाचित भएका छन् ।