पोर्चुगलको समुद्रमा डुबेर एकैघरका दुई नेपालीको निधन

Best Khabar Team | २०२६ पुष १७ गते बिहिबार

१३ जनवरी, २०२०
लिस्बन । पोर्चुगलको राजधानी लिस्बनबाट दक्षिण पश्चिममा पर्ने पर्यटकीय क्षेत्र कासकाईसमा समुद्रमा डुबेर २ नेपालीको ज्यान गएको छ । दुर्घटनामा ज्यान गुमाउनेमा एकैघरका सदोहर दाजुभाई कमल वाईबा तामाङ र श्याम वाईबा तामागं छन् । पोर्चुगलको टेलिभिजन सिसले जनाएअनुसार उनीहरु माछा मार्ने उद्देश्यले सो स्थानमा गएको बताइएको छ । उनीहरुको नेपालको ठेगाना खुल्न सकेको छैन ।

आइतबार दिउँसोको समयमा उनीहरु कासकाईस पुगेको थिए । समुद्रमा एक्कासी आएको छालले उनीहरुलाई समुद्री भूमरीमा तानेको थियो । दुर्घटनालगत्तै स्थनीय तथा प्रत्यक्षदर्शीले घटनाको बारेमा प्रहरीलाई जानकारी गराएका थिए ।

लगत्तै गोताखोरसहितको टोली समुद्रमा हराईरहेका नेपाली दाजुभाईको खोजीका लागि पुगेको थियो । केही समयको प्रयासपछि प्रहरीले उनीहरुको शव निकालेको हो । मृतक दाजुभाई ९ महिना अघि मात्रै पोर्चुगल पुगेका थिए । उनीहरु सोही स्थानमा रस्टुरेन्ट व्यवसाय सञ्चालन गर्दै आइरहेका नेपाली दाजुभाई रहेको बताइएको छ । कासकाईसको ‘बोका डो इन्फर्नो’ भन्ने स्थानमा माछा मार्न पुगेका ती नेपाली दाजुभाईको शव अहिले स्थानीय अस्पतालमा राखिएको छ ।

Comment from facebook