Best Khabar Team | २०७६ माघ १८ गते शनिबार

---

०२ जनवरी, २०२०
काठमाडौं । सरकारले भव्य कार्यक्रम गरी नेपाल भ्रमण वर्ष २०२० को औपचारिक घोषणा गरेको २४ घण्टा वित्न नपाउँदै नेपालस्थित अमेरिकी राजदूतावासले यसलाई पूर्ण सहयोग गर्ने प्रतिबद्धता जनाएको छ । २० लाख पर्यटक भित्र्या-उने नेपाल सरकारको यो अभियानलाई सघाउन जनवरी महिनाभर सामाजिक सञ्जालमा अभियान चलाउने दुतावासले जनाएको छ ।

दुतावासले आज आफ्नो आधिकारिक फेसबुक साइटमा राखेको जानकारी अनुसार नेपालस्थित अमेरिकी मिशनका सबै सामाजिक संजालहरूमा नेपाललाइ एक उत्कृष्ट पर्यटकीय गन्तब्यको रूपमा एक महिनासम्म प्रचार गरिनेछ ।

दुतावासले आफ्नो फेसबुक पेजमा अगाडि लेखेको छ –“आउने केही साता हामी नेपालश्तित अमेरिकी मिशनमा कार्यरत कर्मचारी र परिवारले नेपाल घुम्दाको अनुभव र तस्वीर यहाँहरू समक्ष बाँड्नेछौं जस्ले नेपाल घुम्न आउने हजारौं अमेरिकी पर्यटकहरूजस्तै नेपालको सुन्दरतामा रमाउन मन पराउनुहुन्छ।” यस क्रममा दुतावासले एक वर्षको अवधिमा नेपालस्थित अमेरिकी राजदूत बेसीले नेपालका विभिन्न स्थानमा गर्नुभएको भ्रमणका तस्वीरहरुसमेत सार्वजनिक गरेको छ ।

---

Comment from facebook