१२ घण्टाभित्र सरुवा दरबन्दीमा पुग्न प्रचण्डका पूर्व अंगरक्षक मल्ललाई प्रदेश प्रहरीको निर्देशन

Best Khabar Team | २०७६ पुष १७ गते बिहिबार

०२ जनवरी, २०२०
चितवन । नेकपाका अध्यक्ष पुष्पकमल दाहाल प्रचण्डका पूर्व अंगरक्षक एवं नेपाल प्रहरीका एसपी दानबहादुर मल्ललाई १२ घण्टाभित्र सरुवा दरबन्दी भएको ठाउँमा पुग्न ३ नम्बर प्रहरी प्रदेश कार्यालयले निर्देशन दिएको छ ।

काठमाडौंस्थित त्रिभुवन विमानस्थलस्थित प्रहरी कार्यालयमा सरुवा भएको १३ दिनसम्म पनि मल्लले जिल्ला छाड्न आनाकानी गर्दै चितवनस्थित जिल्ला प्रहरी कार्यालयमै काम गरिरहेपछि प्रदेश प्रहरी कार्यालयले यो निर्देशन दिएको हो । प्रहरी प्रदेश कार्यालयले दिएको निर्देशनमा ‘करिब २ साता अघि सरुवाको लागि निर्देशन दिएको भएपनि सरुवा दरबन्दीमा पुगी हाजिर गरेको विषयमा कुनै जानकारी नआएकोले तत्काल जिल्ला छाड्न’ भनिएको छ ।

मल्ल काठमाडौंमा रहँदा करिब ५ वर्ष तत्कालीन एकीकृत माओवादीका अध्यक्ष पुष्पकमल दाहालका लागि नेपाल प्रहरीका तर्फबाट अंगरक्षक थिए ।

Comment from facebook