चराउन लगेकै बेला प्राण त्यागिन् ८४ वर्षकी ‘रतनकली’ले

Best Khabar Team | २०७६ पुष १२ गते शनिबार

२ ८ डिसेम्बर, २०१९
कञ्चनपुर । कञ्चनपुरस्थित शुक्लाफाँटा राष्ट्रिय निकुञ्जमा पालिएको ८४ वर्ष पुरानो हात्तिको मृत्यु भएको छ । माउतेले जंगलमा चराउन लगेका बेला एक्कासी ढलेको हात्तिको राति अबेर त्यहि मृत्यु भएको निकुञ्ज स्रोतले जानकारी दिएको छ ।

एक्कासी ढलेको हात्तीलाई निकुञ्जका कर्मचारीले केही उपचारको कोशिष गरेको भएपनि राति अबेर त्यही उनले त्यही स्थानमाप्राण त्यागेको निकुञ्जले जनाएको छ । रतनकली नाम दिइएको सो हात्ती शुक्लाफाँटा निकुञ्जमा २०३५ सालको पुस महिनामा ल्याइएको थियो ।

८४ वर्षसम्म आफैं जंगल जाने र चर्ने गरेको हात्ती एक्कासी ढलेर मृत्यु भएपछि निकुञ्जका कर्मचारीहरु आश्चर्यमा परेका छन् । सो निकुञ्जमा हाल ७ वटा हात्ति रहेकोमा अब रतनकलीको ज्यान गएपछि अब निकुञ्जमा ६ वटा मात्रै हात्ती रहेका छन् । हात्तीको ७० देखि ८५ वर्षको औसद आयु हुने भएकाले रतनकलीको पनि बुढ्यौली लागेर मृत्यु भएको बताइएको छ ।