एकैसाथ आर्यघाटमा अस्ताय चलचिल क्षेत्रका ‘दुई नक्षत्र’

Best Khabar Team | २०२६ पुष १७ गते बिहिबार

१७ डिसेम्बर, २०१९
काठमाडौं । नेपाल चलचित्र क्षेत्रका दुई हस्ती (कलाकारद्वय) को पशुपति आर्यघाटमा एकैदिन अन्त्येष्टि गरिएको छ । चलचित्र विकास बोर्डका अध्यक्ष केशव भट्टराई तथा कलाकार दिपक क्षेत्रीको राष्ट्रिय सम्मानका साथ सोमबार पशुपति आर्यघाटमा अन्त्येष्टि गरिएको हो । नेपाल प्रहरीको एक टुकडीले स्वर्गीय दुबै कलाकारको अन्त्येष्टिमा राष्ट्रिय सम्मान दिएको थियो । भट्टराईलाई १५ वर्षका छोरा मिस्क भट्टराई तथा क्षेत्रीलाई उनका छोरा रिनेश बस्नेतले दाबवत्ति दिएका थिए ।

कलाकारद्वयको अन्त्येष्टि कार्यक्रममा आर्यघाटमा चलचित्र कलाकारहरु, शुभचिन्तकलगायतको बाक्लो उपस्थिति रहेको थियो । यसअघि भट्टराईको पार्थिव शरीरमा रक्षामन्त्री इश्वर पोखरेलले श्रद्धाजली व्यक्त गर्नुभएको थियो । दुई दिनको अन्तरमा निधन भएका कलाकारद्वयलाई अन्तिम श्रद्धाञ्जली दिनका लागि सञ्चार तथा सूचना प्रविधिमन्त्री गोकुलप्रसाद बाँस्कोटासँगै कलाकारहरु निखिल उप्रेती, दीपकराज गिरी, दीपाश्री निरौला, कुञ्जना घिमिरे, हरिबंश आचार्य, रेखा थापा, मदनकृष्ण श्रेष्ठ, रमेश उप्रेतीलगायतका कलाकार सञ्चारकर्मी तथा शुभचिन्तकहरुको ठूलो भीड आर्यघाटमा देख्न सकिन्थ्यो ।

क्षेत्री गएको शनिबार आफ्नै निवासमा मृत अवस्थामा भेटिएका थिए । यस्तै भट्टराईको आइतबार राति अस्पताल लैजाने क्रममा बाटैमा निधन भएको बताइएको छ ।

Comment from facebook