कोरोना संक्रमण बढ्दै गर्दा काठमाडौं जिल्लामा दर्जनौं गतिविधि भदौ १५ सम्मलाई निषेध(विज्ञप्तिसहित)

Best Khabar Team | २०२६ पुष १७ गते बिहिबार

१४ अगस्ट, २०२०
काठमाडौं । पछिल्ला दिनमा काठमाडौं उपत्यकामा कोरोना संक्रमितको संख्या बढ्दै गएपछि जिल्ला प्रशासन कार्यालयले विभिन्न गतिविधि गर्न निधेष गरेको छ । काठमाडौंका प्रमुख जिल्ला अधिकारी जनकराज दाहालले आज साँझ एक विज्ञप्ति जारी गर्दै कोरोना नियन्त्रण गर्ने अभियान स्वरुप विभिन्न गतिविधिमा रोक लगाइएको भन्दै यो अभियानमा सहयोग गर्न उपत्यकाबासीसँग अनुरोध गरेका छन् ।

कोरोना संक्रमण फैलँदै गर्दा यसले उपत्यकामा कोरोनाको जोखिम उच्च बनेको भन्दै जिप्रका काठमाडौंले विभिन्न ३ दर्जन बढी गतिविधि गर्नका लागि आजै राति १२ बजेदेखि रोक लगाएको छ । निषेधित गतिविधिका विषयमा प्रशासनले खटाएको टोली तथा सुरक्षा निकायले निरन्तर अनुगमन गर्ने र दोषी उपर कडा कारबाही गर्ने चेतावनी समेत दिएको छ ।

जिल्ला प्रशासन कार्यालयले आज राति १२ बजेदेखि आगामी भदौ १५ गते राति १२ बजेसम्म उपत्यकामा निम्न गतिविधि गर्न पूर्णरुपमा रोक लगाएको छ ।

-खुल्ला स्थानमा मानिस भेला–जम्मा हुन -भीडभाड गर्न, सभारजुलुस गर्न, जात्रा महोत्सव सञ्चालन ( दैनिक नित्यपूजा बाहेक) सम्पूर्ण धार्मिक गतिविधि गर्न
-स्वास्थ्य मापदण्डविपरितका गतिविधि, धार्मिक तथा सांस्कृतिक कार्य सम्बन्धी जमघट सबै प्रकारका सभा र गोष्ठी, तालिम, सेमिनार
-विभिन्न सभाहल हल र पार्टी प्यालेस, मनोरञ्जनस्थल, शैलुन, ब्युटीपार्लर, स्पा, स्वीमिङपुल, जीमखाना
–समूहमा खेलिने खेलकुद, पुस्तकालय म्युजियम (संग्रहालय) चिडियाखाना, फुटपाथर खुल्ला ठाउँमा गरिने व्यापार
–ठेलागाडा तथा साइकलबाट सञ्चालित विभिन्न व्यापाररव्यवसाय, कवाडी संकलन, स्वास्थ्य मापदण्ड विपरित श्रमिक र कामदार ओसारपसार
– होटल र रेस्टुरामा हुने सबैखाले जमघट (टेकवेबाहेक)
– सबै खालका शैक्षिक संस्थाहरु सञ्चालनलगायत