नेपालमा हालसम्म कोरोना संक्रमितको संख्या १०४२ पुग्यो

Best Khabar Team | २०२६ पुष १७ गते बिहिबार


२८ मे, २०२०
काठमाडौं । देशका विभिन्न जिल्लामा आज थप १ सय ५६ जनामा कोरोना भाइरस (कोभिड १९) को संक्रमण भेटिएको छ । स्वास्थ्य तथा जनसंख्या मन्त्रालयले दिएको जानकारी अनुसार आज रौतहटमा २०, दोलखामा २, सोलुखुम्बुमा १, बझाङमा १ र सुर्खेतमा १३ संक्रमित भेटिएका हुन् । सम्बन्धित जिल्लास्थित प्रयोगशाला र काठमाडौंको केन्द्रीय प्रयोशालामा गरिएको परीक्षणमा उनीहरुमा कोरोना संक्रमण भेटिएको पुष्टि भएको हो ।

फाइल तस्वीर : स्वास्थ्य मन्त्रालय

यस्तै, धनुषाका २९, महोत्तरीका १७, सप्तरीका१४, मकवानपुरका १, बर्दियाका ३, बाँकेका १, झापाका २५, सर्लाहीका ७ र सिरहाका ६ जनापनि कोरोनाको संक्रमण पुष्टि भएको छ । मन्त्रालयले दैलेखमा ८, कैलालीमा २, दार्चुलामा १, स्याङ्जामा ३, नवलपुरमा १ जनामा कोरोना संक्रमण भेटिएको पुष्टि गरेको छ । संक्रमित सबैको अवस्था अहिलेसम्म सामान्य रहेको मन्त्रालयको भनाई छ । आज थप भएका १ सय ५६सँगै अब नेपालमा कुल कोरोना संक्रमितको संख्या १ हजार ४२ पुगेको छ । हिजो मृत्यु भएका ललितपुरका एक ५६ वर्षका पुरुषको मृत्यु कोरोनाकै कारण भएको पुष्टि मन्त्रालयले गरेको छ ।

मन्त्रालयले गरेको यो पुष्टिसँगै अब देशभर कुल ५ जनाले कोरोनाको संक्रमणका कारण ज्यान गुमाएका छन् । केहीदिनयता भारतबाट हजारौंका संख्यामा नेपालीहरु घर फर्केका कारण संक्रमितको संख्या पनि ह्वात्तै बढेको मन्त्रालयको भनाई छ । अहिले भारतमा मजदुरीमा गएका हजारौं नेपालीहरु दैनिक सिमावर्ती नाकाबाट नेपाल फर्किइरहेका छन् । जसका कारण कोरोनाको संक्रमणको जोखिम बढ्दै गएको छ । भारतमा हालसम्म ४ हजार ५ सय ४० जनाले ज्यान गुमाइसकेका छन् ।

यस्तै १ लाख ५८ हजार ६ सय १३ जनामा कोरोना संक्रमण देखिएको छ । भारतमा कोरोना संक्रमण नरोकिँदा सम्म खुल्लासिमाका कारण नेपालमा पनि कोरोनाको संक्रमण रोकिने सम्भावना नरहेको विज्ञहरुले बताउँदै आएका छन् ।



Comment from facebook



थप खबर पढ्नुहोस्
चीनमा कोरोना कहर : फेब्रुअरी १८ सम्म १८६८ जनाले ज्यान गुमाए चीनमा कोरोना कहर : फेब्रुअरी १८ सम्म १८६८ जनाले ज्यान गुमाए

२०२६ पुष १७ गते बिहिबार

१८ फेब्रुअरी, २०२० बेइजिङ्ग । विश्वव्यापी रुपमा प्रभाव छाडेको...

नेपाल भ्रमण वर्ष २०२० : नेपाल एयरलाईन्सले चीन र जापानका थप शहरमा उडान भर्दै नेपाल भ्रमण वर्ष २०२० : नेपाल एयरलाईन्सले चीन र जापानका थप शहरमा उडान भर्दै

२०२६ पुष १७ गते बिहिबार

१५ डिसेम्बर, २०१९ काठमाडौं । राष्ट्रिय ध्वजाबाहक नेपाल बायुसेवा...

नेपालले मे १५ सम्म सबै आन्तरिक तथा बाह्य उडानमा रोक लगायो नेपालले मे १५ सम्म सबै आन्तरिक तथा बाह्य उडानमा रोक लगायो

२०२६ पुष १७ गते बिहिबार

२५ अप्रिल, २०२०काठमाडौं । सरकारले आगामी जेठ २ गते...

तरकारी नष्ट गरिएको घटनाप्रति कृषि मन्त्रालयको ध्यानाकर्षण, निर्वाधरुपमा विक्री वितरण गर्न आग्रह तरकारी नष्ट गरिएको घटनाप्रति कृषि मन्त्रालयको ध्यानाकर्षण, निर्वाधरुपमा विक्री वितरण गर्न आग्रह

२०७६ पुष २१ गते सोमबार

०१ जुन, २०२०काठमाडौं । कोरोनाको बहानामा देशका विभिन्न जिल्लामा...

Top